Argazkien egile eta jabeak: Alfonso Obeso

Baselizaren berrinaugurazioa

Baseliza berritzea

Salvador Inciarte zaldiei ura ematen Iturrunzubiko iturrian

GARCHINENA (1569), GARCIANENA (1607), GARCHINENEA (1646)

Gazte taldea Olentzerorekin Koxkontakobidean dagoen plazan. Soinua eta panderoa daramate giroa alaitzeko. 1993

San Anton baselizako egunaren hurrengo igandea da autoak ikusita.

San Antongo benta (1646), San Antongo benta eta baseliza (1678- 1726).

Erraten denez, 1613an, Endara auzoko bizilagunek SAN ANTONen meza izateko baimena eskatu zuten, kapilaua bere kontura zela, parrokia urrun zegoelako eta garai hartan zeuden bideak zakarrak zirelako. Lesakako kabildoak kontra egin zion, eraikin berean benta bat zegoelako, eta bertan maiz lixkarrak izan ohi zirelako. Halere, han meza emateko baimena lortu zuten, irailetik maiatzera. 1679an, auzoko bizilagunei Abade Santuak baseliza barruan ahari baten hilketarekin ospatzeko debekua ezarri zitzaien. 1797an, historia errepikatu zen, eta orduko argudio berberekin, 1613ko egoera berera itzuli zen. Gaur egun, hilabetearen azken igandean, 10:00etan,  ematen da meza. Ermita honek jende ugari biltzen du gaur egun San Anton egunean (urtarrilak 17) eta hurrengo igandean ospatzen diren erromerietan.

1924an erre eta Felix Echeverri erretoreak berreraiki zuen.

Komentuko pareta eraisten.

Ikastolako haur batzuek Olentzerorekin Koxkilako iturri gainean. 1989. Trapuzko Olentzero belarmeta egiten ari da.

Atzeko paretan idatzita: "Josu, herriak ez du barkatuko"

Domiko baserria (aurriak), Domikoko zentrala, Garbiso Intzin Zahar (etxe bilakatua), Intzin Berri, Garzikoetxea, Dorrea, Endara borda, Ola, Borda, Iroizin eta Endarako errota (hondakinak) ziren Endara auzoko baserriak. Horiez gain, San Anton ermita eta etxebizitza eta Ola baserriaren ondoan, izenak berak dioen bezala, ola edo burdinola zahar bat izan zen. San Anton, Ola eta Endara Borda ostatuak ziren, eta bertan atseden hartu eta mokadu goxoa egin ohi zuten bai Endara eta Gardeleko auzotarrek, bai Lesakatik Oiartzuna eta alderantziz zihoazenek, baina baita kontrabandoan aritzen ziren hamaikak ere. Izan ere, Aiako Harria hegoaldeko inguru hau Bera aldetik zetozen gaueko lanaren ohiko bide ugarik zeharkatzen zuten eta jende joan-etorriak arruntak ziren oso. Baina 80ko hamarkadaren hasieran Hondarribia eta Irun urez hornitu ahal izateko urtegia eraikitzeko lanak hasi ziren. Presan jartzen duen moduan, 1988an amaitu ziren lanak, eta horrekin batera, ur azpian geratutako hiru baserrien bizitza: Ola, Borda eta Endara bordarena. Dorrea baserrikoak ere alde egitera behartu zituzten, etxea uretatik oso gertu geratzen baitzen. Olakoek Ola-Berri jatetxea ireki zuten gaur egungo lekuan. Endarakoek etxe berria eraiki zuten presa hormaren gainean eta Dorrea baserria oraindik zutik ikus daiteke nahiz eta hutsik eta erdi erorita egon. San Anton ermitako etxebizitzan bizi zirenek Lesakara alde egin zuten, eta ermita hutsik eta egoera kaskarrean geratu zen. Duela zenbait urte ermita berritu egin zuten, eta ordudanik San Anton Txiki egunean, San Anton egunaren (urtarrilak 17) hurrengo igandean, aspaldian bezala erromeria egin ohi dute bertakoek eta gerturatzen diren guztiek. Halaber, hilabetearen azken igandean 10:00etan meza izan ohi da. Bestalde, urtegiko lanak amaitzearekin batera, Aritxulegitik urtegirako errepideak egiten duen bihurgune itxian Aialde jatetxea eraiki zuten.

Ikastolako haurrak sarrera aurrean denak zutik kantuan. Atzekaldean trapuzko bi Olentzero daude aulki banatan eserita. 1986

"Ola" baserria uz azpian gelditu zen.

Lesakako haur taldea Irain ikastetxean, judoko lehiaketa batean.

Ikastolako haurrak Olentzerorekin Eskol-Ttiki parean kantan. 1983. Atzekaldean trapuzko bi Olentzero daude aulki banatan eserita.

Lesakako banda Santa Zeziliaren ospakizunean.

Corpus Christiren prozesioa Albistur kalean.